الموضوع النهارده عنوانه غريب بس لما تقرا هاتفهم وبعد ماتفهم هاترد وبعد ماترد هانفهم ...
اكيد كل حاجه فى الدنيا ليها سبب
يعنى ايه
يعنى ربنا خلقنا علشان نعبده
وبنروح المدرسه علشان ندخل الجامعه
وبنروح الجامعه علشان نتخرج
وبعد ما بنتخرج بنقعد على القهوه
طيب انت ينفع تروح تقعد على القهوه من غير ما يكون معاك شهاده الناس هاتقول عليك ايه جاهل
لازم تبقى متعلم ومعاك شهاده علشان تقعد على القهوه والناس تحترمك
طيب احنا كده ليه اقولك ليه
فى البدايه
داخلنا ابتدائى وبعدها اعدادى وبعد الاعدادى اللى راح ثانوى صناعى واللى راح ثانويه عامه يارب نجح بتوع الثانويه يارب
المهم واللى دخل ثانوى صناعى راح اشتغل تباع على ميكروباص او اشتغل ميكانيكى وبقه راجل كسيب
واللى دخل الثانوى
فيه اللى دخل كليه نص نص وفيه اللى دخل اللى بيسموها كليات القمه الطب والهندسه والصيدله
تمام
وبعد كده احب اسال الناس انتو اتعلمتوا حاجه
ناس هاتقولى اه وناس هاتقولى لا وناس هاتقف مبلمه مش عارفه ترد
اقولك بقه احنا اتعلمنا اتعلمنا الا شى
اتعلمنا ازاى واحنا بننسى اللى بندرسه بعد ما نخرج من الامتحان وانا عن نفسى بنسى قبل ما ادخل الامتحان كمان
بس العيب فى مين
العيب بقه فى الراجل بتاع القهوه اللى مش راضى يخفض المشاريب اللطلبه الجامعين اللى قاعدين عنده
وتيجى بقه نظره سريعه على القهوه الى فيها ناس متعلمين وناس جهله
تلاقى المصيبه الانسان المتعلم فقد الثقه فى نفسه بعد ما اتعلم وقعد على القهوه والانسان الجاهل قال دا انا راجل فتك يعنى من غير علام ولا نيله اتسوينا ببعض بالعكس انا راجل صنايعى كسيب فا يتغر فى نفسه بقه فا يقعد يفتى فى اى حاجه ويقولك انا زى المتعلمين كلنا على قهوه واحده
وعلشان كده اصحبنا نقول للميكانيكى والسواق والسباك يا باشمهندس
واصبحنا نقول لحلاق والجزار يا دكتور
واصحبنا نقول للى واقف فى مقله بيبيع لب يا استاذ
مع كامل الاحترام لاصحاب المهن المذكوره
واصبحنا بنقول للمتعلمين يا عواطليه
وعلشان كده بقينا كده
29/7/2007, 11:49 pm
